Описание
Безнең укучыларыбызга “Чаян” бик яхшы таныш. Ул мәзәк журналы гына түгел. Кызык-мызыклар белән бер рәттән анда шактый җитди темалар да кузгатыла. Хәтта шартлаткыч хәлгә җиткергәннәре! Мәсьәлән, апрель санындагы “Мәкерле агулаучы” дигән фельетон. Аның эчтәлегендә кайберәүләрнең үз фатирларындагы газ системасын бозып үзләренчә корулары ята. Бу нәрсәгә китерергә мөмкин? Менә шуны журналыбыз материалыннан белә аласыз.
“Абау!” сәхифәсендә олы юлдагы Чаллы миллионерлары турында сүз бара, Базарлы Матактагы үле җаннар, Татарстандагы кредитлау дәрәҗәсе, “Круглое поле”дагы берәү җайлы гына итеп бизнес ачып баемакчы булуы факты.
Күп кенә темалар укучыларыбыз тарафыннан кузгатылып, “Чаян”да лаеклы яңгыраш таба. “Чаян” почтасы аларны һәрдаим үз битләрендә бастырып бара. Мисалга Сокура бистәсендә яшәүчеләреннән килгән “мәктәп” темасы.
Безнең Шомбай бабабыз да тик ятмый – ул соңгы яңалыкларга җавапларны һәрвакыт үткен тәнкыйтькә алып тора.
Болардан тыш апрель санында бик кызык һәм көн тәртибенә караган карикатуралар, мәзәкләр, кинәяләр, әлбәттә һәр вакыттагыча, “Чаянворд”!
