Тасвирлама
«Гаилә һәм мәктәп» журналының октябрь саны
Тышлыкны карауга гаилә учагының җылысын тоеп алдыгызмы? Шагыйрь Булат Ибраһимов гаиләсе турында сүз барганда башкача була да алмыйдыр. Туфан Миңнуллинның кызы Әлфия ханым, биюче Ләйсән Хәмитова кебек саллы геройларыбызның да укучыларга җиткерерлек хикмәтле сүзләре бар.
Хезмәт укытучысы булам дигән хыялы шөгылен яшәү рәвешенә әйләндергән талантлы мөгаллимнәр; йөзү күнекмәсе аша балаларга сәламәтлек һәм спортка юл ачучы остазлар; нейроритмика аша бәләкәчләрнең, «хәйләкәр» алымнар белән көйсез үсмерләрнең көенә төшенергә ярдәм итүче психологлар... Барлык белгечләр белән бергәләп, укучыларыбызның дусты һәм киңәшчесе булырга дигән максатка тугры калырга тырыштык.
Мари Эл Республикасындагы Суслонгер лагеры һәм мари мәктәбе турындагы язмалар аша бергәләп сәфәргә чакырабыз.
