0 Корзина 0 руб.
Наличие товара: в наличии
Доставка в отделение "Почты России"
Самовывоз из офиса АО "ТАТМЕДИА" (Казань, ул.Декабристов, 2)
91 рубль
Подробнее favorite_border

“Безнең мирас” журналының июнь саны күренекле язучы Шәриф Камалның: “Хатыннар – инсаннарның гүзәл вә ләтыйф яртысы. Алар булмаса, дөнья ямьсез бер солдат казармасы төсле булыр иде», – дигән юллары белән ачыла.
“Безнең мирас” журналының ошбу яңа санында да тарихи, әдәби, дини һәм сәнгати мирасыбызга кагылышлы тирән эчтәлекле һәм гыйбрәтле язмалар, кадерле истәлекләр, кызыклы табышлар урын алган. 
Мордовиядәге татар утравы турында беләсезме?
Малмыж татарлары телендә нинди мари атамалары бар? 
100 ел элек Сабан туйлары ничек уздырылган?
Кем ул Әнвәр бәк һәм мәшһүребез Фатих Кәрими аның турында үзенең “Истанбул мәктүбләре” дигән әсәрендә ниләр бәян итә?
Ике тарихны бергә кушкан мәдрәсә турында беләсезме?
Кемнәр алар Колынчаковлар һәм алар утарында ниләр бар?
         “Сагынуга дәва юк икән” җыры кайчан һәм ничек иҗат ителгән?
Әлеге һәм башка сорауларга җавапларны “Безнең мирас” журналының 6 нчы – июнь саныннан, аерым алганда, Ирек Биккинин, Фатих Кәрими, Индус Таһиров, Ильяс хәзрәт Җиһаншин, Рабит Батулла, Эльмира Шәрифуллина, Ләбиб Лерон һәм башка авторларыбызның язмаларыннан таба аласыз.
Ошбу саныбыздан шулай ук Мордовия Республикасының Аксюн авылы эшмәкәре Рәфыйк Аяз улы Фәтхуллов һәм Ульяновск өлкәсенең махсуслашкан медицина ярдәме күрсәтүче клиник үзәге хирургы, Россия Федерациясенең атказанган табибы Сәйдәш Миркасыйм улы Шәмсетдинов белән кызыклы әңгәмәләрне дә укырга мөмкин.
Хәтере барның – әйтере бар. Барыбызга да тарихи хәтерле, бәхетле булып яшәргә язсын! “Безнең мирас” журналы белән һәрчак бергә булыгыз!